Svavar Gestsson (andsvar):
Herra forseti. Hér er endalaust mælt fyrir stjórnarfrumvörpum og búið að tala fyrir einum tíu hér í dag. Þau eiga öll að verða að lögum fyrir vorið. Af hverju gátu menn ekki komið þeim inn fyrr? Hvað hafa menn verið að gaufa í ráðuneytunum? Er svona mikið að gera? Af hverju fær þingið ekki tíma til að skoða þau mál sem ráðuneytin hafa kvotlast með milli handanna mánuðum og missirum saman? Hvað á þetta að þýða?