Pétur H. Blöndal:
Herra forseti. Hér er lagt til að stofnuð verði ný stofnun sem heitir Íslensk málnefnd, er málræktar- og málverndarstofnun og hún rekur Íslenska málstöð. Mig langar rétt aðeins í þessu sambandi að koma upp í ræðustól og geta þess, herra forseti, að hér er verið að stofna nýja stofnun og það er að mínu mati um það bil á tveggja vikna fresti sem Alþingi gerir það. Ég vildi bara vekja athygli á þessu.