[prenta uppsett í dálka] 106. fundur, 125. lþ.
Iðnaðarráðherra (Valgerður Sverrisdóttir) (andsvar):
Hæstv. forseti. Á hv. Alþingi er alltaf verið að taka einhverjar ákvarðanir og þetta er ein af þeim ákvörðunum sem við stöndum frammi fyrir að taka en hún kemur okkur alls ekki á óvart. Umræða um þetta hefur farið fram áður á hv. Alþingi og í tengslum við þá þáltill. sem borin var fram af fyrrv. hæstv. ráðherra. Ég tel því að málið hafi fengið ágætiskynningu og undrast það í sjálfu sér að hv. þm. hafi ekki reiknað með að til þess kæmi að þessi ákvörðun yrði tekin.
