Kolbrún Halldórsdóttir (andsvar):
Virðulegi forseti. Mig langar aðeins að fá að spyrja hv. 1. flm. þáltill. hvort hún telji ekki þurfa að klára þær svæðiseiningar sem eru í gangi áður en hægt er að búa til samræmt svæðisskipulag yfir þær einingar. Sumar þeirra hafa ekki fengið neitt svæðisskipulag, á sumum er alls ekki byrjað en aðrar eru komnar ansi langt. Þurfum við ekki að taka þetta í röð, hv. þm., að gera fyrst þær einingar klárar sem eru í vinnslu áður en farið er að búa til samræmt svæðisskipulag fyrir stærra landsvæði?