Valgerður Sverrisdóttir:
Herra forseti. Það er talað um að náttúran eigi að njóta vafans. Í mínum huga er ekki mikill vafi í þessu máli. Hins vegar eru færðar fórnir. Við fórnum landsvæði sem er engum gleðiefni. Það er hins vegar verjandi vegna þeirra hagsmuna sem eru í húfi. Skoðanakannanir hafa sýnt að stór hluti þjóðarinnar vill nýta vatnsorkuna sem er ein af okkar meginauðlindum. Þetta mál gengur út á að gera það. Þjóðarbúskapurinn og sérstaklega landsbyggðin þarf á þessum framkvæmdum að halda. Ég segi já.