Drífa Hjartardóttir:
Herra forseti. Hér er um mjög viðkvæm mál að ræða sem þó verður að tala um. Við heyrum af auknum sjálfsvígum, t.d. bænda í Danmörku og í Bretlandi. Þar er það áhyggjuefni að á því verði aukning í kjölfarið á þeim hörmungum sem þar ganga yfir í landbúnaði. Hver skyldi staðan vera hér á Íslandi? Við vitum það ekki svo gjörla.
Kjör bænda eru mjög misjöfn og er vægast sagt mikil fátækt í bændastétt. Ég vil vara við því að það séu gerðar óhóflegar kröfur til bænda þannig að þeir gefist hreinlega ekki upp og þessi staða komi ekki upp hér á landi.