[prenta uppsett í dálka] 120. fundur, 126. lþ.
Pétur H. Blöndal:
Herra forseti. Hér er lagt til að heimila sparisjóðum að stofna séreignarsjóði sem munu fara með meginþungann af eignarhaldi í sparisjóðunum án þess að neinn eigi þá. Þeir stofnfjáreigendur sem á degi hlutafjárvæðingar eru stofnfjáreigendur munu um aldur og ævi ráða þessum sjóði jafnvel þótt þeir eigi ekkert í sparisjóðnum, hafi selt hlut sinn. Þarna fer saman að sá sem á og fer með stærstan hluta af valdinu á það ekki. Til hvers leiðir það eða getur leitt? Að sjálfsögðu til þess að hann reynir að ná sínum hagsmunum fram öðruvísi en með hámarksarðsemi. Þetta gengur þvert á það frv. sem menn voru að samþykkja áðan til að reyna að koma í veg fyrir samþjöppun á valdi. Ég greiði atkvæði gegn þessu.
