Pétur H. Blöndal (andsvar):
Herra forseti. Ég og hv. þm. erum hjartanlega sammála í þessu. Ég gagnrýndi nefnilega útgerðina fyrir að vera með eitthvert gerviverð á aflanum en það er vegna þess að þeir fá ekki að afskrifa sín geysilega dýru skip á réttan hátt. Auðvitað ættu menn að fara að horfa til þess hve mikið fé er bundið í viðkomandi skipi, hve það er arðbært og hve það er öflugt veiðitæki.