Forseti (Halldór Blöndal):
Borist hefur svohljóðandi bréf:
,,Reykjavík, 1. nóvember 2000.
Þar sem Guðjón Arnar Kristjánsson, 4. þm. Vestf., óskar leyfis vegna veikinda og getur ekki sótt þingfundi á næstunni, leyfir hann sér, með vísan til 53. gr. þingskapa, að óska þess að varamaður hans taki sæti hans á meðan eða frá og með deginum í dag. Því er þess óskað að 1. varaþm. flokksins í Vestf., Pétur Bjarnason, taki sætið.
Þetta tilkynnist yður, herra forseti.
Sverrir Hermannsson,
varaformaður þingflokks Frjálslynda flokksins.``
Pétur Bjarnason hefur áður tekið sæti á Alþingi og býð ég hann velkominn til starfa á ný.