Einar Már Sigurðarson:
Herra forseti. Við höfum í umræðu um fjáraukalög m.a. bent á ýmis mistök sem orðið hafa við stjórn ríkisfjármála. Hér eru gerðar tillögur um tæplega 8 milljarða ríkisútgjaldaaukningu, þrátt fyrir að heilbrigðisstofnanir séu látnar bíða til 3. umr. Við höfum bent á að hluti tillagnanna stangast á við fjárreiðulög. Stjórnarandstaðan hefur ekki haft neina möguleika til þess að hafa áhrif á þau útgjöld sem hér er verið að samþykkja. Þess vegna er eðlilegt að ríkisstjórnarmeirihlutinn beri einn ábyrgð á þeim tillögum sem eru til afgreiðslu. Þingmenn Samfylkingarinnar munu því sitja hjá við atkvæðagreiðsluna.