Drífa Hjartardóttir:
Herra forseti. Á fjárlögum er núna lagt til að greiddar verði 9,5 millj. í rannsóknastyrki til Ingu Þórsdóttur prófessors, til samanburðarrannsókna á íslenskri og erlendri kúamjólk með tilliti til áhrifa hennar á líkamann og hollustugildis. Íslenska kúamjólkin hefur mikla sérstöðu og þessi rannsókn gagnast fyrst og fremst neytendum. Gosdrykkja er skelfilega mikil hér á Íslandi.
Hv. þm. Kolbrún Halldórsdóttir talaði áðan um að undanrenna væri dýr. Mjólkin á Íslandi er ódýr, hollur og góður drykkur og íslensk mjólkurvara er í raun í hæsta gæðaflokki. Eitt það besta sem við getum gert til að styrkja beinin er t.d. að drekka mjólk, lýsi og stunda góða hreyfingu.