Ögmundur Jónasson (andsvar):
Herra forseti. Eftir því sem ég kemst næst þá erum við tala um upphæðir af svipaðri stærðargráðu og nú eru lagðar á sjávarútveginn þannig að það er engin stórfelld breyting sem verður með þessu frv. að því leyti.
Ég er hins vegar að vekja athygli á að gjaldið sem lagt er á útgerðina af hálfu fjármagnskerfisins og kvótaeigandans er miklu hærra en þessu nemur. Viðleitni okkar á að beinast í þá átt að beina því fjármagni, að fá það fjármagn, í vasa almennings. Tillögur okkar ganga út á að það fjármagn renni til sveitarfélaganna í byggðatengdum kvóta og til ríkisins einnig í gegnum uppboð á kvóta.