Ögmundur Jónasson:
Herra forseti. Ég vil þakka hæstv. iðnrh. fyrir þessar skýringar. Ég er sammála hæstv. ráðherra að það er eðlilegt að skoða þessi mál heildstætt. Hér er um að ræða grundvallarbreytingar á orkugeiranum. Ríkisstjórnin er að leggja til að raforkugeirinn verði gerður að hlutafélagi og þá væntanlega með það fyrir augum að innleiða einkavæðingu á því sviði. Ég er sammála hæstv. ráðherra að eðlilegt sé að við skoðum þessi mál heildstætt og fáum áður inn á borð frv. til raforkulaga sem ríkisstjórnin mun hafa í smíðum.