Utanríkisráðherra (Halldór Ásgrímsson) (andsvar):
Herra forseti. Ég er tilbúinn til að ræða tilhögun þessarar heimsóknar nánar við hv. utanrmn. Mjög góð umræða um þessi mál hefur átt sér stað í utanrmn. og ég tel rétt að þessi fyrirhugaða heimsókn, þegar við vitum hvenær af henni getur orðið, verði rædd nánar í nefndinni, þar með talið hugsanlegur áhugi fulltrúa í utanrmn. til að fylgjast með henni eða taka þátt. Það út af fyrir sig er óvenjulegt en ég vil ekkert útiloka í þeim efnum. Ég tel réttara að ræða það nánar við nefndina og vænti þess að hv. þm. telji það fullnægjandi á þessu stigi.