Sverrir Hermannsson:
Herra forseti. Forsendur fyrir virkjun stórfljótanna samkvæmt þessu frv. er auðvitað að finna í athugasemdum með því en athugasemdir með lögum eru til hliðsjónar við framkvæmd þeirra og túlkun. Þær forsendur eru virkjun til handa stóriðju á Reyðarfirði og eru brostnar. Þar af leiðandi eru forsendur fyrir afgreiðslu þessa máls í sjálfu sér brostnar.
Eins og sakir standa í stóriðjumálum heims er veiting leyfis til stórvirkjunar í stóriðjuskyni sýndarleikur, uppfærður í pólitísku blekkingarskyni. Sá sem hér stendur veitir engum umboð sitt til slíkra vinnubragða, og því segir hann nei.