[prenta uppsett í dálka] 125. fundur, 127. lþ.
Árni Steinar Jóhannsson:
Virðulegi forseti. Það hefur teygst úr þessari umræðu. Ég hélt langa ræðu í dag um þetta mál þó að hún hafi kannski verið í styttra lagi miðað við umfang málsins, talaði í hér um bil 40 mínútur og ég held að í þeirri ræðu hafi ég komið sjónarmiðum okkar hjá Vinstri hreyfingunni -- grænu framboði í þessu máli á framfæri. Ég ætla ekki að teygja umræðuna frekar um málið, láta þá ræðu sem ég hélt í dag duga til að útskýra og staðfesta sýn okkar og málstað í þessu stóra máli og læt þar með ræðu minni lokið.
