Karl V. Matthíasson:
Herra forseti. Við erum að samþykkja hér lög um að styðja eigi við grænmetisframleiðslu í landinu sem var ekki vanþörf á þar sem verið var að fella niður tolla á þessari vöru. Við erum hlynnt þessari aðgerð en um leið og ákveðið var að fara út í þetta kemur tilkynning um að það eigi að fara að taka aukið gjald af grænmetisbændum sem við teljum að stríði á móti þeim lögum sem við erum að samþykkja núna. Þess vegna hvet ég alla til að samþykkja þessa brtt. frá hv. þm. Sigríði Jóhannesdóttur.