Steingrímur J. Sigfússon:
Herra forseti. Ég held að það sé rétt að vekja athygli manna á því að hér á nú að bæta um betur við þær 170 millj. kr. sem NATO-fundurinn á að kosta og þegar er búið að færa inn í fjárlagafrv. eða gera ráð fyrir. Samkvæmt skýringum við þennan lið í greinargerð fjárlagafrv. eiga 170 millj., af þeim 181,4 millj. sem veita á utanrrn. undir liðnum Ráðstefnur, að fara í NATO-fundinn, en hér á að bæta 60 millj. kr. við. Þetta er aðeins kostnaður utanrrn. eins og hann er áætlaður á næsta ári. Þá er eftir kostnaður dómsmrn. að ógleymdum 30 millj. sem þegar er búið að færa inn í fjáraukalög þannig að dýr mundi Hafliði allur.
Það er rétt að menn taki eftir því að hér eru nægir peningar á lausu til að hækka þetta gæluverkefni um 60 millj. kr. frá því sem áætlað var að það mundi kosta 1. okt. í haust þegar fjárlagafrv. var lagt fram.