[prenta uppsett í dálka] 47. fundur, 127. lþ.
Ögmundur Jónasson:
Herra forseti. Það er fráleitt við þær aðstæður sem við búum við nú að lækka tekjuskatta fyrirtækja. Þess vegna vill Vinstri hreyfingin -- grænt framboð ekki styðja þessar tillögur ríkisstjórnarinnar og þess vegna gátum við ekki heldur stutt tillögur Samfylkingarinnar um lækkun tekjuskatta fyrirtækja.
Staðreyndin er sú að um þriðjungur fyrirtækja í landinu skilar hagnaði. Það er þeim fyrirtækjum sem verið er að ívilna en á hin fyrirtækin sem búa við þröngan kost nú eru settar auknar klyfjar. Þetta er mjög óskynsamlegt við þessar aðstæður, herra forseti, og við getum ekki stutt þessar ráðstafanir.
