[prenta uppsett í dálka] 102. fundur, 128. lþ.
Kristinn H. Gunnarsson (andsvar):
Herra forseti. Vegna þess sem fram kom í máli þingmannsins um aðkomu ráðuneyta að málinu vil ég taka það fram að jafnvel þótt einstakir starfsmenn í ráðuneytum verði við óskum um að finna lausnir á þeim viðfangsefnum sem lögð eru fyrir þau jafngildir það ekki því að ráðuneytið hafi komið formlega að málinu eða að samþykki landbrh. liggi fyrir. Það var ekki um það að ræða í þessu tilviki. Það er um oftúlkun að ræða í þessu mati hv. þm.
Herra forseti. Ég legg áherslu á að þetta mál fái þinglega meðferð. Hv. þm. verður að færa fram rök fyrir því ef hún telur að svo eigi ekki að vera að þessu sinni.
