[prenta uppsett í dálka] 3. fundur, 128. lþ.
Halldór Blöndal (andsvar):
Herra forseti. Ég talaði ekki um verðlagningu eftir svæðum. Ég sagði að verðlagning í búðum Baugshringsins væri misjöfn. Ég geri ráð fyrir því að hv. ... (Gripið fram í: Í höfuðborginni eða úti á landi?) Ég minntist hvorki á höfuðborg né land. Ég geri ráð fyrir að hv. þm. geti athugað sömu vörur sem eru keyptar erlendis frá og fást í Bónus og í Hagkaup og athugað hvort þær kosti hið sama. Ég hygg að svo sé ekki.
Í annan stað vil ég segja um samkeppni í flutningum til landsins að á síðustu árum hefur eðli hennar breyst mjög mikið. Nú annast einungis eitt skipafélag strandsiglingar. Samskip t.d. keppir einungis hér á Reykjavíkurmarkaðnum og hefur að því leyti betri stöðu, að þurfa ekki að velta fyrir sér að þjóna landsbyggðinni.
