Flm. (Árni Steinar Jóhannsson) (andsvar):
Virðulegi forseti. Ég vil nota þennan andsvaratíma til að þakka hæstv. heilbrrh. fyrir undirtektir við málið. Ég lít svo á að með nefndarskipuninni sem hæstv. ráðherra ákvað taki hann undir þetta mál. Í framhaldi af undirtektunum trúi ég ekki öðru en að málið sé komið á fullt skrið og að innan mjög fárra vikna eða mánaða muni framþróun á þessu sviði, þ.e. heilbrigðismálum í Eyjafirði, geta átt sér stað.
Ég þakka undirtektirnar og vænti hins besta í framtíðinni af þessu máli.