Gísli S. Einarsson (um atkvæðagreiðslu):
Virðulegur forseti. Við stöndum að mestu frammi fyrir orðnum hlut varðandi fjárráðstöfun vegna ársins 2002. Ég vek athygli á að hér er ekki um lokauppgjör að ræða. Það er ekki fyrr en lokafjárlög vegna ársins 2002 liggja fyrir að það er klárt. Einnig þarf að liggja fyrir álit Ríkisendurskoðunar á reikningi ársins áður en raunverulega er hægt að loka málinu. Af framangreindum ástæðum situr þingflokkur Samfylkingarinnar hjá við afgreiðslu fjáraukalaga.