Álfheiður Ingadóttir:
Virðulegi forseti. Það er varla hægt annað en að koma í ræðustól og lýsa undrun á því að 700 millj. kr. afsláttur skuli hafa verið veittur á sölu Landsbankans þrátt fyrir að upplýst sé að bankinn hafi hagnast um nær því helming af kaupverðinu á þessu ári, eftir skatta og eftir afskriftir. Ég held að viðskiptavinir bankans séu fyrir löngu búnir að greiða upp töpin og það er nöturlegt að horfa upp á það hvernig þetta mál hefur allt saman æxlast.
Það var haft á orði að það hefði verið í fyrsta sinn það árið, á gamlársdag í fyrra, sem hæstv. viðskrh. brosti og það var þegar gengið var frá bankasölunni. Ég held að það bros sé nú löngu stirðnað, a.m.k. hjá þjóðinni.