Aðrar útgáfur af skjalinu: PDF - Word Perfect. Ferill 358. máls.
131. löggjafarþing 2004–2005.
Þskj. 715 — 358. mál.
heilbrigðis- og tryggingamálaráðherra við fyrirspurn Drífu Hjartardóttur um nýgengi krabbameins á Norðurlöndunum.
Fyrirspurnin hljóðar svo:
Er munur á nýgengi og tíðni krabbameins á Íslandi og annars staðar á Norðurlöndunum, tilgreint eftir tegundum, og ef svo er, í hverju er munurinn aðallega fólginn?
Krabbamein á Norðurlöndunum.
Hér að aftan má sjá árlegt aldursstaðlað nýgengi fyrir tíðustu mein á Norðurlöndunum árin 1995–1999. Tölur eru fengnar úr NORDCAN-gagnagrunninum sem er öllum opinn á netinu á slóðinni: ncu.cancer.dk/ancr/nordcan.shtml.
Ef öll krabbamein eru tekin saman má sjá að nýgengi krabbameina meðal karla á Íslandi er svipað og í Noregi og lítið eitt hærra en í Danmörku. Nýgengi blöðruhálskirtilskrabbameins er heldur hærra á Íslandi en annars staðar á Norðurlöndunum. Lágt nýgengi blöðruhálskirtilskrabbameins í Danmörku skýrist væntanlega af því að þar eru PSA-mælingar fremur sjaldgæfar, en þær leiða oft til greiningar. Hins vegar er vert að taka fram að dánartíðni er svipuð alls staðar á Norðurlöndunum.
Ef öll krabbamein eru tekin saman má sjá að nýgengi krabbameina meðal kvenna á Íslandi er svipað og í Danmörku og er nýgengi brjóstakrabbameins hátt í báðum löndunum. Einnig er nýgengi lungnakrabbameins hærra á Íslandi og í Danmörku en annars staðar á Norðurlöndunum. Þetta má rekja til meiri reykinga kvenna í þessum tveimur löndum og hvað Ísland varðar skiptir miklu að á síðustu öld byrjuðu íslenskar konur fyrr að reykja mikið borið saman við það sem tíðkaðist annars staðar á Norðurlöndum.
131. löggjafarþing 2004–2005.
Þskj. 715 — 358. mál.
Svar
heilbrigðis- og tryggingamálaráðherra við fyrirspurn Drífu Hjartardóttur um nýgengi krabbameins á Norðurlöndunum.
Fyrirspurnin hljóðar svo:
Er munur á nýgengi og tíðni krabbameins á Íslandi og annars staðar á Norðurlöndunum, tilgreint eftir tegundum, og ef svo er, í hverju er munurinn aðallega fólginn?
Krabbamein á Norðurlöndunum.
Hér að aftan má sjá árlegt aldursstaðlað nýgengi fyrir tíðustu mein á Norðurlöndunum árin 1995–1999. Tölur eru fengnar úr NORDCAN-gagnagrunninum sem er öllum opinn á netinu á slóðinni: ncu.cancer.dk/ancr/nordcan.shtml.
Árlegt aldursstaðlað nýgengi af 100.000 (miðað við alþjóðlegan aldursstaðal).
| Danmörk | Finnland | Ísland | Noregur | Svíþjóð | ||
| Karlar | ||||||
| Öll mein | 285 | 269 | 294 | 296 | 252 | |
| Blöðruhálskrabbamein | 33 | 72 | 76 | 70 | 70 | |
| Lungnakrabbamein | 47 | 41 | 34 | 36 | 21 | |
| Ristil- og endaþarmskrabbamein | 38 | 26 | 33 | 42 | 30 | |
| Konur | ||||||
| Öll mein | 284 | 223 | 280 | 255 | 242 | |
| Blöðruhálskrabbamein | 84 | 76 | 80 | 71 | 80 | |
| Lungnakrabbamein | 30 | 9 | 29 | 17 | 13 | |
| Ristil- og endaþarmskrabbamein | 31 | 19 | 23 | 34 | 23 | |
Ef öll krabbamein eru tekin saman má sjá að nýgengi krabbameina meðal karla á Íslandi er svipað og í Noregi og lítið eitt hærra en í Danmörku. Nýgengi blöðruhálskirtilskrabbameins er heldur hærra á Íslandi en annars staðar á Norðurlöndunum. Lágt nýgengi blöðruhálskirtilskrabbameins í Danmörku skýrist væntanlega af því að þar eru PSA-mælingar fremur sjaldgæfar, en þær leiða oft til greiningar. Hins vegar er vert að taka fram að dánartíðni er svipuð alls staðar á Norðurlöndunum.
Ef öll krabbamein eru tekin saman má sjá að nýgengi krabbameina meðal kvenna á Íslandi er svipað og í Danmörku og er nýgengi brjóstakrabbameins hátt í báðum löndunum. Einnig er nýgengi lungnakrabbameins hærra á Íslandi og í Danmörku en annars staðar á Norðurlöndunum. Þetta má rekja til meiri reykinga kvenna í þessum tveimur löndum og hvað Ísland varðar skiptir miklu að á síðustu öld byrjuðu íslenskar konur fyrr að reykja mikið borið saman við það sem tíðkaðist annars staðar á Norðurlöndum.
