eftirlit með skipum.
Forseti. Hér erum við að ræða frumvarp til laga um breytingu á lögum um eftirlit með skipum sem nauðsynlegt er að breyta í kjölfar frumvarps til laga sem samþykkt var hér áðan og gert að lögum um lögskráningu sjómanna. Um þetta frumvarp er algjör samstaða í samgöngunefnd og er gerð sú ein breytingartillaga við 2. gr. frumvarpsins á dagsetningu gildistökunnar, að í stað 1. janúar 2010 komi 1. nóvember 2010, sem er samhljóða því sem gerist í gildistöku laga um lögskráningu sjómanna.