ríkisábyrgð á lántöku Tryggingarsjóðs innstæðueigenda og fjárfesta.
Frú forseti. Ég spurði hv. þingmann einmitt vegna þess að mjög margir stjórnarsinnar og flestir hæstv. ráðherrar hengja sig í skýrslu Seðlabankans. Þeir tala stöðugt um að þetta gangi upp að meðaltali og þetta sé að meðaltali ágætt. Er þá niðurstaðan í rauninni sú að ef við tökum á okkur allar þessar skuldbindingar séum við að tala um að hæstv. velferðarstjórn sé að búa til fátækt á Íslandi? Velferðarstjórnin sé að búa til fátækt og þeir hv. þingmenn stjórnarliða sem samþykkja þetta frumvarp sé að stefna þjóðinni í fátækt?