Ferill 297. máls. Aðrar útgáfur af skjalinu: Word Perfect.
1990–91. – 1060 ár frá stofnun Alþingis.
113. löggjafarþing. –
297
. mál.
Sþ.
532. Fyrirspurn
til iðnaðarráðherra um undirbúning vegna álbræðslu.
Frá Hjörleifi Guttormssyni.
Hver er orðinn heildarkostnaður við undirbúning Atlantal-álbræðslu frá því samningur um hagkvæmnikönnun var undirritaður 4. júlí 1988:
á vegum iðnaðarráðuneytis,
á vegum Landsvirkjunar,
á vegum markaðsskrifstofu iðnaðarráðuneytis og Landsvirkjunar?
Hversu miklu fjármagni hefur Landsvirkjun þegar varið til einstakra þátta eða ákveðið ráðstöfun á til undirbúnings virkjana og stofnlína á grundvelli heimilda í lögum nr. 74/1990?
Hvaða verksamningar hafa verið gerðir eða eru í undirbúningi á vegum Landsvirkjunar vegna virkjanaundirbúnings í þágu Atlantal-álbræðslu? Óskað er eftir yfirliti um hvern verksamning eða tilboð, umsamið verð eða kostnaðaráætlun eftir því á hvaða stigi útboð er.
Hvaða fyrirvarar eru í verksamningum með tilliti til þess að samningar verði ekki gerðir um álbræðslu eða upphaf framkvæmda frestist frá því sem iðnaðarráðuneyti og Landsvirkjun hafa lagt til grundvallar í áætlunum?
Beðið er um kostnaðartölur á verðlagi hvers tíma og færðar til verðlags í ársbyrjun 1991.
Skriflegt svar óskast.
