Ferill 15. máls. Aðrar útgáfur af skjalinu: Word Perfect.
1992. – 1062 ár frá stofnun Alþingis.
116. löggjafarþing. – 15 . mál.
15. Frumvarp til laga
um breytingu á lagaákvæðum, er varða íslenskt ríkisfang, vegna aðildar að samningi um Evrópska efnahagssvæðið.
(Lagt fyrir Alþingi á 116. löggjafarþingi 1992.)
1. gr.
Við lög nr. 41 2. maí 1968, um verzlunaratvinnu, bætist ný grein, 18. gr., svohljóðandi:
Frá gildistöku laga um Evrópska efnahagssvæðið, sbr. 2. mgr. 5. gr. þeirra laga, skulu ríkisborgarar annarra svæðisríkja en Íslands, í samræmi við samninginn um Evrópska efnahagssvæðið, vera undanþegnir skilyrði um íslenskt ríkisfang samkvæmt nánari ákvæðum sem ráðherra setur með reglugerð, sbr. tilskipanir 64/222-224/EBE, 68/363-364/EBE, 70/522-523/EBE og 86/653/EBE.
Sama undanþága gildir varðandi skilyrði um heimilisfesti á Íslandi, sbr. 1. tölul. 4. gr. laga þessara.
Ríkisborgarar annarra svæðisríkja en Íslands skulu eigi njóta lakari aðstöðu með tilliti til undanþágu frá menntunar- eða starfsreynsluskilyrði en íslenskir ríkisborgarar, sbr. 3. tölul. 4. gr. laga þessara.
2. gr.
1. tölul. 3. gr. laga nr. 42 18. maí 1978, iðnaðarlaga, hljóðar svo:
3. gr.
Lög þessi öðlast gildi um leið og samningurinn um Evrópska efnahagssvæðið öðlast gildi að því er Ísland varðar.
Athugasemdir við lagafrumvarp þetta.
Frumvarp þetta leiðir af skuldbindingum í samningnum um Evrópska efnahagssvæðið varðandi jafnræði ríkisborgara svæðisríkja. Frumvarpið geymir ekki tæmandi upptalningu á lagabreytingum á grundvelli skuldbindinganna heldur taka fleiri frumvörp á þessu og öðru. Að öðru leyti þykir eigi þörf á sérstökum skýringum við frumvarpið.
