Ferill 521. máls. Aðrar útgáfur af skjalinu: Word Perfect.
1992–93. – 1062 ár frá stofnun Alþingis.
116. löggjafarþing. –
521
. mál.
879. Fyrirspurn
til félagsmálaráðherra um afbrot barna og unglinga og meðferðar- og vistunarúrræði.
Frá Margréti Frímannsdóttur og Lilju Rafneyju Magnúsdóttur.
Af hve mörgum börnum 10–15 ára þurftu barnaverndarnefndir að hafa afskipti af á árunum 1990–1992 vegna afbrota? Svar óskast sundurgreint eftir aldri barnanna.
Hve oft voru afbrot tengd
vínneyslu,
neyslu annarra vímuefna,
geðrænum vandamálum?
Svar óskast sundurgreint eftir aldri barnanna.
Hvaða meðferðar- og vistunarúrræðum hafa barnaverndaryfirvöld yfir að ráða á vegum ríkis, á vegum sveitarfélaga eða á vegum einkaaðila?
Hve margar stofnanir og heimili sinna meðferðar- og umönnunarhlutverki fyrir þessa aldurshópa á vegum ríkisins, á vegum sveitarfélaga eða á vegum einkaaðila?
Hver var heildarkostnaður þessara stofnana og heimila á árunum 1990–1992 hjá ríki, sveitarfélögum eða hjá einkaaðilum?
Er einhver sérhæfing í rekstri þessara stofnana eða heimila? Ef svo er, í hverju er hún fólgin og hversu margir einstaklingar voru vistaðir á þessum heimilum á árunum 1990–1992 skipt niður eftir aldri barnanna?
Hvaða faglegar kröfur eru gerðar til stofnana eða heimila þar sem börn, sem brotið hafa af sér, eru vistuð á vegum ríkisins, á vegum sveitarfélaga eða á vegum einkaaðila?
Hvaða faglegar kröfur eru gerðar til stofnana eða heimila þar sem börn, sem neytt hafa vímuefna, eru vistuð á vegum ríkisins, á vegum sveitarfélaga eða á vegum einkaaðila?
Hvaða faglegar kröfur eru gerðar til stofnana eða heimila þar sem börn, sem eiga við geðræn vandamál að stríða, eru vistuð á vegum ríkisins, á vegum sveitarfélaga eða á vegum einkaaðila?
Skriflegt svar óskast.
