![](http://www.althingi.is/myndir/althlit.gif)
[15:56]
Bryndís Hlöðversdóttir (andsvar):
Herra forseti. Ég þakka kærlega svör dómsmrh. Ég vil enn og aftur ítreka muninn á því sem felst í því að stofna eitthvert embætti eða koma á fót sérstakri stofnun. Ég tel gífurlegan mun á því og þess vegna er þetta orðalag einmitt notað. Ég lít svo á að slíkt embætti geti verið hvar sem er í kerfinu eins og því er best fyrir komið að bestu manna yfirsýn.
Ég vil einnig fagna þeim skilningi sem hæstv. ráðherra virðist sýna þörfinni á því að taka á þessum málum og að vinna við það sé a.m.k. langt á veg komin í ráðuneytinu, ef ég skil hann rétt. Ég vil einnig nota tækifærið til að hvetja ráðherrann til að sjá til þess að gengið verði það langt í þessum málum að hægt verði að taka á þeim af öryggi og festu.