[prenta uppsett í dálka] 103. fundur
Guðný Guðbjörnsdóttir (um fundarstjórn):
Herra forseti. Sem formaður þingflokks Kvennalistans tók ég þátt í fundi formanna þingflokka fyrir viku síðan með menntmrh., þar sem við fórum fram á að umræðum um málið --- það var ekki tekið á dagskrá í síðustu viku --- yrði frestað fram til dagsins í dag. Þar af leiðandi finnst mér svolítið erfitt núna að standa ekki við það samkomulag að ræða um málið í dag en ég verð að segja að í ljósi þeirra óska sem hér hafa komið fram þá fer ég fram á að það verði a.m.k. gert fundarhlé núna og þessi mál rædd við menntmrh.
