![](http://www.althingi.is/myndir/althlit.gif)
Össur Skarphéðinsson (andsvar):
Herra forseti. Stundum velti ég því fyrir mér hvar hæstv. dómsmrh. geymir skilningarvitin í umræðu af þessu tagi. Hér kemur hann upp og segir að það hafi ekkert gerst í tíð síðustu ríkisstjórnar. Þá hafi hrannast upp mikill vandi og blessuð ríkisstjórnin hafi ekkert gert. Hvar hefur þessi hæstv. ráðherra alið manninn síðustu árin? Er það ekki einmitt í þessari ríkisstjórn sem hann var að ráðast á? Og ef hún tók svona illa á þessum málum eins og hann var að lýsa núna, hvar var hann þá? Hvar var hæstv. ráðherra sem núna er reiðubúinn til að hlaupa undir okið --- og ég fagna því -- með hæstv. félmrh.? En ef staðan var svona svakalega slæm á síðasta kjörtímabili, hvar var þá blessaður hæstv. dómsmrh. sem úr öllu vill gott gera?