Samgönguráðherra (Halldór Blöndal) (andsvar):
Herra forseti. Ég átta mig satt að segja ekki á því hvað þessi spurningaþula á að þýða. Auðvitað hlýtur hv. þm. að vita það jafnvel og ég að Alþingi ákveður með lögum að tryggja starfsmönnum Póst- og símamálastofnunar skilgreindan rétt í Pósti og síma hf., sem verður í eigu ríkissjóðs, þá hlýtur að verða að standa við það og þá er ekki hægt að breyta því með samþykkt á aðalfundi Pósts og síma hf. eða á stjórnarfundi hjá Pósti og síma hf. Auðvitað hljóta lögin að standa og þau ákvæði sem felast í þeim og eigandinn er ríkið sem verður að standa við þau.