Ágúst Einarsson:
Herra forseti. Það er bersýnilegt að ríkisstjórnin hyggst knýja þetta mál áfram núna á þessum þingfundi í óþökk allra stjórnarandstöðuþingmanna. Þetta frv. er einhliða inngrip í samningaumgerð opinberra starfsmanna og kjarasamninga þeirra og afnemur réttindi þeirra að hluta. Þetta eru forkastanleg vinnubrögð af hálfu ríkisstjórnarinnar. Stjórnarandstaðan öll og verkalýðshreyfingin er eindregið á móti frv. Þingflokkur Þjóðvaka er algerlega á móti þessu frv. Ég segi nei.