[prenta uppsett í dálka] 138. fundur
Ögmundur Jónasson:
Hæstv. forseti. Nú er myndin að skýrast. Fyrst er búið til launakerfi á forsendum forstjóranna. Nú er sett í lög ákvæði þess efnis að þeir sem standa utan stéttarfélaga skuli í engu fara á mis við þau réttindi og þau kjör sem fólk hefur fengið eða áunnið sér eða barist fyrir í félagslegri réttindabaráttu. Þetta er gert til þess að lokka fólk út úr stéttarfélögum, til að grafa undan félagslegri réttindabaráttu og tryggja sérstaklega hag þeirra sem kjósa að hvíla í vinarklóm íslenska forstjóraveldisins sem þetta frv. gengur allt út á að styrkja og treysta í sessi. Ég segi nei.
