![](http://www.althingi.is/myndir/althlit.gif)
Ásta R. Jóhannesdóttir (andsvar):
Herra forseti. Ég vil benda á að það kom mjög skýrt fram í máli mínu að ég tel niðurskurðinn ekkert síður koma illa úti á landsbyggðinni en í Reykjavík. Ég bendi bara sérstaklega á framkvæmd sem skorin er harkalega niður þar sem Ártúnsbrekkan, sú fjölfarna leið hér í borginni, á í hlut. Þar er niðurskurðurinn 36% miðað við 18% niðurskurð annars staðar. Þeim staðreyndum verður ekki breytt, hv. þm., hvað sem hver tautar og raular hér í þingsölum.