Fyrirspyrjandi (Katrín Fjeldsted):
Herra forseti. Ég vil bera fyrirspurn til hæstv. umhvrh. um vinnu að skipulagi miðhálendis Íslands. Fyrirspurnin er svohljóðandi, en hún er í þremur liðum:
1. Hvernig var staðið að vali á þeim sem vinna að skipulagi miðhálendis Íslands?
2. Telur ráðherra eðlilegt að aðeins sum byggðarlög landsins eigi aðild að skipulagi miðhálendisins?
3. Mun ráðherra beita sér fyrir breytingu á bráðabirgðaákvæði í skipulagslögum þannig að fulltrúar frá Reykjavík, Reykjanesi, Snæfellsnesi og Vestfjörðum komi einnig að þessari skipulagsvinnu?``