![](http://www.althingi.is/myndir/althlit.gif)
Frsm. félmn. (Kristín Ástgeirsdóttir) (andsvar):
Hæstv. forseti. Ég var að tíunda hvaða skilning við legðum í þessar breytingar sem hér væri verið að gera og var að vitna í orð fjmrh. varðandi þessa tilfærslu svo það væri algerlega á hreinu og staðfest í þingtíðindum að það er skilningur okkar og jafnframt skilningur fjmrh. að þessi breyting sem verið er að gera hér á skattprósentu þýði að á móti komi lækkun á tekjuskatti. Ég vil að það sé alveg ljóst að þetta er sá skilningur sem liggur að baki og í samræmi við þann samning sem gerður var.