Frsm. 2. minni hluta menntmn. (Guðný Guðbjörnsdóttir) (andsvar):
Herra forseti. Það ákvæði sem ég gerði að umtalsefni til þess að rökstyðja það að ég væri að tala um ómannúðlegt frv. er m.a. það ákvæði í frv. þar sem talað er um að námsbrautir séu skipulagðar með lokamarkmið náms að leiðarljósi. Þetta mun óneitanlega bæði hafa í för með sér að nemendur þurfa að fara meira á milli skóla miðað við vinahópinn og einnig verður erfiðara að flytja sig á milli brauta.