[prenta uppsett í dálka] 151. fundur
Arnbjörg Sveinsdóttir (andsvar):
Hæstv. forseti. Ég bendi á að tillaga hv. þingmanna, sem hv. þm. Ásta Ragnheiður Jóhannesdóttir benti á, verður ógild þegar fleiri fyrirtæki geta komist að á þessum markaði og þegar alþjóðafyrirtæki verða komin inn á sviðið hefur þessi tillaga ekki gildi. Það skiptir máli að við séum að búa til umhverfi þar sem allir hafa sama rétt. Þess vegna vísa ég í fyrri rök mín um að þetta ákvæði þarf að vera í fjarskiptalögum og aðlögunartími skiptir mjög miklu máli. Ef nú þegar væri ákveðið að breyta þessu eins og þessi tillaga gerir ráð fyrir eru mjög miklar líkur á því að það þyrfti að setja á gjaldskrárhækkanir fyrir alla. En með þessum aðlögunartíma verður jöfnun þarna á.
