Svavar Gestsson (um fundarstjórn):
Virðulegi forseti. Ég harma það að stjórnarmeirihlutinn skuli með þessari afstöðu sinni hafa hafnað þessari leið. Í henni var fólginn mikilvægur öryggisventill fyrir meðferð mála í þessari stofnun sem er miklu minni en var í gamla kerfinu. Ég vona að þessi afstaða meiri hlutans og það að forseti brást sjálfur ekki við tillögu minni á neinn hátt bendi ekki til þess að menn ætli sér að gera þetta neyðarákvæði þingskapanna að engu í framtíðinni.