Vilhjálmur Egilsson:
Hæstv. forseti. Ég er sannfærður um það að þær umbætur sem verið er að gera með því að samþykkja þetta frv. eru til mikilla framfara í ríkisrekstrinum. Þegar upp er staðið munu þær koma sér vel fyrir opinbera starfsmenn. Þær munu þegar upp er staðið líka koma sér vel verðandi samskipti hins opinbera á vinnumarkaðnum við aðra aðila, bæði starfsfólk almennra fyrirtækja og atvinnulífið almennt. Með frv. er verið að jafna réttarstöðu þeirra sem vinna hjá hinu opinbera óháð því í hvaða stéttarfélögum þeir eru. Með frv. er líka verið að afnema æviráðninguna. Það er verið að taka út óeðlilegt fyrirkomulag varðandi biðlaunaréttinn. Það er verið að gefa opinberum starfsmönnum möguleika á viðbótarlaunum. Ég tel því að mjög margt í frv. horfi til framfara og segi því já.