Hjálmar Jónsson:
Herra forseti. 37. gr. frv. felur í sér breytta kostnaðarskiptingu milli ríkis og sveitarfélaga í byggingu heimavistarrýmis. Sú breyting á sér ekki stað nema viðkomandi sveitarfélögum sé bættur mismunurinn. Hæstv. menntmrh. hefur lýst því yfir að hann muni gangast fyrir úttekt á þörfinni fyrir heimavistarrými við framhaldsskólana. Í athugasemdum með frv. er kveðið á um að samið verði um það hvernig aukinni kostnaðarþátttöku sveitarfélaga verði mætt.
Í framhaldi af samþykkt þessara laga um framhaldsskóla skulu því teknar upp viðræður milli ráðuneytis menntamála og viðkomandi sveitarfélaga vegna aukinnar hlutdeildar sveitarfélaga í kostnaði og hvernig sá munur verði jafnaður. --- Ég segi nei.