[prenta uppsett í dálka]
Margrét Frímannsdóttir:
Virðulegi forseti. Ég vil þakka fyrirspyrjanda fyrir þær spurningar sem hér voru fram bornar. Mig langar til þess að spyrja hæstv. ráðherra hvort í þeim 10% sem talin er vera aukning á framlögum til málefna fatlaðra sé ekki um að ræða tilfærslur frá heilbr.- og trmrn. upp á 65,5 millj. sem áður komu til vegna 37 einstaklinga á Kópavogshæli. Hér er um tilfærslu að ræða en ekki beina hækkun.
