Gísli S. Einarsson:
Herra forseti. Ég spyr hæstv. samgrh. um brú yfir Gilsfjörð. Samkvæmt vegáætlun var gert ráð fyrir að þetta verk væri hafið og útboðsgögn áttu að vera tilbúin um mánaðamótin maí/júní 1995. Fyrirheit um að útboð færi fram sl. sumar hafa verið svikin. Allir þingmenn Vesturlands og Vestfjarða á kjörtímabilinu 1991--1995 lýstu yfir stuðningi eða gáfu fyrirheit um þessa framkvæmd. Það var, eins og ég sagði áðan, ákveðið að hefja framkvæmdina sl. sumar og í síðasta lagi í haust. Spurning mín til hæstv. samgrh. er þessi: Hvenær ætlar hæstv. ráðherra að láta útboð fara fram? Hvenær á að byggja Gilsfjarðarbrú?