[prenta uppsett í dálka] 27. fundur
[15:20]
Ögmundur Jónasson:
Hæstv. forseti. Samkvæmt lögum sem samþykkt voru á Alþingi í febrúar er gert ráð fyrir að samræmd neyðarsímsvörun á landsvísu verði komið á fyrir áramót. Í yfirlýsingum fyrir alþingiskosningar sögðu forsvarsmenn stjórnarflokkanna að ekki stæði til að einkavæða þessa þjónustu. Hins vegar kæmi til álita að gera samstarfssamning þeirra aðila sem að neyðarþjónustu koma.
Í framhaldi af þessu vil ég spyrja hæstv. dómsmrh. hvort rétt sé að lögreglan í Reykjavík standi fyrir utan þessa þjónustu, en komi til með að verða viðtakandi símtala sem fyrirtæki í höndum einkaaðila á borð við Securitas, Vara og Sívaka vísi áfram frá sérstakri stjórnstöð. Einnig vil ég spyrja hvort það sé rétt að Slökkviliðið í Reykjavík sé að leggja niður sína svörunarþjónustu vegna þessarar einkavæðingar. Og hvað með landsbyggðina að þessu leyti? Verða sömu milligönguaðilar fyrir hana?
