![](http://www.althingi.is/myndir/althlit.gif)
[16:57]
Fjármálaráðherra (Friðrik Sophusson) (andsvar):
Virðulegi forseti. Við erum bersýnilega ósammála, ég held að það fari ekkert á milli mála enda engin ástæða til annars. En ég minni hv. þm. á það að þetta virkar með tvennum hætti. Annars vegar er verið að koma í veg fyrir sjálfvirka hækkun á afsláttum, bótafjárhæðum og þess háttar. En það er líka verið að koma í veg fyrir sjálfvirka hækkun á sjálfum skattinum þegar um það er að ræða, eins og í bifreiðagjöldum og öðrum slíkum sköttum. Þetta vildi ég að kæmi fram hér.