[15:38]
Forseti (Ólafur G. Einarsson):
Forseti hefur að gefnu tilefni nokkrum sinnum á þessu þingi og hinu síðasta bent hv. þm. á ákvæði 54. gr. þingskapa. Nú verður forseti að gera það einu sinni til að gefnum mörgum tilefnum í ræðu hv. síðasta ræðumanns.
En ákvæðið er svohljóðandi:
,,Ræðumaður skal jafnan víkja ræðu sinni til forseta eða fundarins en eigi ávarpa nokkurn einstakan þingmann.``
Þess vegna gengur ekki að segja: Ég vil fá það upplýst, hæstv. iðnrh., eða ég ítreka spurningu mína, hæstv. iðnrh. Forseti mun halda áfram að minna á þetta ákvæði þar til hv. þm. hafa lært þessar einföldu reglur.