![](http://www.althingi.is/myndir/althlit.gif)
[16:46]
Forseti (Guðmundur Árni Stefánsson):
Forseti vill koma á framfæri leiðréttingu við þskj. 254 sem eru breytingartillögur við frv. til laga um breytingu á lögum um framleiðslu, verðlagningu og sölu á búvörum, nr. 99 frá 8. september 1993, með síðari breytingum. Í þskj. sem er brtt. meiri hluta landbn. hefur slæðst villa, a-liður 2. tölul. á að hefjast þannig: ,,1. mgr. 19. gr. laganna`` o.s.frv. Orðin ,,1. mgr.`` hafa fallið brott og er það hér með leiðrétt. Þingskjalið verður prentað aftur en forseti vill koma þessu á framfæri hér og nú.
Í öðru lagi vill forseti geta þess að samkomulag hefur orðið um að eftir lok 2. umr. fari fram atkvæðagreiðsla kl. 13.30 á morgun. Þá í kjöfarið er miðað við að settur verði nýr fundur og dagskrármálið tekið til 3. umr. og henni lokið á morgun í samræmi við nefnt samkomulag.